| am Samstag gibts a Mordshalloo |
| die Eggstätter Altschützen mit Musi san do |
| an Schnaps und Bier hams a mitbracht |
| da ham die Gollenshausener glacht |
| doch rätselns, warum kemma die da her |
| weil Schützenball is scho lang koana mehr |
| die Eggstätter redn ganz schö drumrum |
| bis endlich damit
rausrucka: |
| Den Paten soll ma eana macha |
| da miassn mia erst herzlich lacha |
| denn so a hohe
Gründungsfeier |
| de is von Haus aus ziemlich deier |
| und im August is meistens hoaß |
| da brauchtst a Bier, wia jeder woaß |
| und drum muass erst verhandelt wern |
| die Eggstätter gebn gar net gern |
| nur fuffzig Liter bietens o |
| bei fünfhundert fanga mia erst o |
| der Pfarrer schalt sich a no ein |
| für d'Vorstandschaft an guadn Messwein |
| doch geht nix weiter no a Zeitl |
| drum miassn die Eggstätter jetzt aufs Scheitl |
| Mia serviern a
gache Brotzeit |
| dann hamma d'Eggstätter so weit |
| dass hundert Liter uns spendiern |
| de Bürgamoiaster woin sie
a ned ziern |
| fuchzg Liter zoit jeda dazua |
| dann gebn die Gollenshausner endlich Ruah |
| weißblau wern die Tisch beim Fest eideckt |
| damit s'Freibier no
vui bessa schmeckt |
